जळगाव- काही दिवसापूर्वी ग्रामविकास मंत्री गिरीश महाजन यांची फेसबुक पेजवर बदनामी करण्यात आले होती. आता पालकमंत्री गुलाबराव पाटील यांचे देखील फेसबुक पेजवरून बदनामी करण्यात आली असून याप्रकरणी एमआयडीसी पोलीस स्टेशनमध्ये अज्ञात इसमावर गुन्हा दाखल करण्यात आला आहे.
मिळालेल्या माहितीनुसार शिवसेना जळगाव ग्रामीण या फेसबुक पेजवर ७ एप्रिल ते 25 जुलै पर्यंत या पेजवर वेळोवेळी पालकमंत्री गुलाबराव पाटील यांच्याबाबत बदनामीकारक मजकूर या फेसबुक पेजवर टाकण्यात आला होता. याप्रकरणी चौकशी करण्यासाठी पोलीस उपनिरीक्षक दत्तात्रेय पोटे यांची नियुक्ती केली होती. या चौकशी अंतर्गत एमआयडीसी पोलीस स्टेशन मध्ये अज्ञात इसमावर नगरसेवक गणेश सोनवणे यांच्या फिर्यादीवरून ना. गुलाबराव पाटील यांची फेसबुक पेजवर बदनामी केल्याप्रकरणी गुन्हा दाखल करण्यात आला आहे.
