चाळीसगाव : प्रतिनिधी
शहरातील बस स्थानकावर आत्याला घेण्यासाठी गेलेल्या १९ वर्षीय विद्यार्थ्यांचा सार्वजनिक शौचालयातून तीन जणांनी जबरदस्तीने दहा हजार रुपये किमतीचा मोबाईल हिसकावून फरार झाल्याची घटना २५ जुलै रोजी सायंकाळी सहा वाजेच्या सुमारास घडली. या प्रकरणी चाळीसगाव शहर पोलीस स्टेशनला गुन्हा दाखल करण्यात आला आहे.
पोलिसांनी दिलेल्या माहितीनुसार, शहरातील बस स्थानकावर तालुक्यातील हिरापूर येथील १९ वर्षीय विद्यार्थी नचिकेत सुनील येवले हा आपल्या आत्याला घेण्यासाठी चाळीसगाव बस स्थानकावर आला असता तो लघुशंकेसाठी सार्वजनिक शौचालयात गेला असता तेथे असलेल्या तीन अनोळखी इसमांनी त्याच्या हातातील दहा हजार रुपये किमतीचा मोबाईल जबरदस्तीने हिसकावून पळ काढला .याप्रकरणी नचिकेत येवले याच्या फिर्यादीवरून चाळीसगाव शहर पोलीस स्टेशनला गुन्ह्याची नोंद करण्यात आली आहे तपास पोलीस उपनिरीक्षक योगेश माळी करीत आहे.
