चोपडा : प्रतिनिधी
शहरातील एका घरातील खिडकीचे गज कापून आत प्रवेश करून कपाटातील सोन्या-चांदीच्या दागिन्यांसह रोकड लंपास केल्याचा प्रकार उघडकीस आला आहे. या प्रकरणी चोपडा पोलीस स्टेशनला चार अनोळखी व्यक्तींविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, शहरातील रामकुंवर नगरातील रहिवासी असलेले व्यापारी ज्ञानेश्वर कुंवर (वय ४२) यांच्या घरात दि.२२ जुलैच्या पहाटे अनोळखी चार चोरट्यांनी खिडकीचे गज कापून आज प्रवेश करून लोखंडी कपाटातील 47 हजाराची रोकड, साठ हजार रुपये किमतीचे सोन्याचे टंगल, 21 हजाराची सोन्याची अंगठी, अठरा हजारांचे सोन्याचे कानातील टॉप, शे रुपये किमतीची घड्याळ असा एकूण एक लाख 46 हजार पाचशे रुपयांचा मुद्देमाल चोरट्यांनी चोरून नेला याप्रकरणी ज्ञानेश्वर कुमार यांनी चोपडा शहर पोलीस स्टेशनला दिलेल्या फिर्यादीवरून अनोखी चार इस्मानविरुद्ध गुन्हा दाखल करण्यात आला आहे. तपास पोलीस उपनिरीक्षक घनश्याम तांबे करीत आहे.
