जळगाव : प्रतिनिधी
शहरातील एमआयडीसी पोलिसांकडून सोमवारी कोम्बिंग ऑपरेशनदरम्यान शस्त्र घेऊन फिरणारा हद्दपार आरोपी विशाल मुरलीधर दाभाडे (वय २२) याला रामेश्वर कॉलनी भागातून अटक केली.
मिळालेल्या माहितीनुसार, विशालवर विविध प्रकरणांत गुन्हे दाखल आहेत. त्यासाठीच त्याला दोन वर्षांसाठी जिल्ह्यातून हद्दपार करण्यात आले होते. सोमवारी एमआयडीसी पोलिसांकडून सोमवारी कोम्बिंग ऑपरेशन राबविले. यादरम्यान, पोलिस निरीक्षक जयपाल हिरे यांना विशाल दाभाडे हा त्याच्या घरातील परिसरात शस्त्र घेऊन फिरत असल्याची माहिती मिळाली. त्यांनी पोलिस कर्मचाऱ्यांना सोबत घेत रामेश्वर कॉलनी भागातील चांगापाचा मंदिराजवळ आले. याठिकाणी विशाल आढळून आला. त्याची झाडाझडती घेतली असता, त्याच्याकडे लोखंडी सुरा सापडला. त्यानंतर पंचनामा करून, त्याला ताब्यात घेण्यात आले.
