धरणगाव : प्रतिनिधी
शहरातील एका परिसरातील २८ वर्षीय महिलेचा विहिरीत पाणी काढताना पाय घसरून पडल्याने विवाहितेचा मृत्यू झाल्याची घटना शनिवारी दुपारी घडली. पुनम राहुल पाटील (२८, मराठे गल्ली, धरणगाव) असे मयत विवाहितेचे नाव आहे.
मिळालेल्या माहितीनुसार, शहरातील पाटील परिवारातील सदस्य भोणे शिवारातील आपल्या शेतात कापूस पिकाला खत देण्यासाठी गेले होते. यावेळी पुनम पाटील यांनी पती राहुल यांच्यासह कुटुंबातील इतर सदस्यांना खताच्या गोण्या उचलून दिल्या. सुमारास जेवण करण्यासाठी पुढे पांडुरंग पाटील यांच्या विहिरीवर गेली. बराच वेळ झाला म्हणून इतर सदस्य विहिरीजवळ गेले असता पुनम या त्या ठिकाणी दिसल्या नाहीत. म्हणून त्यांनी विहिरीत डोकावले असता पुनम त्यांचा मृतदेह पाण्यावर तरंगताना आढळून आला. त्यांना बाहेर काढून धरणगाव ग्रामीण रुग्णालयात आणले असता डॉक्टरांनी त्यांना तपासून मयत घोषित केले. याप्रकरणी अकस्मात मृत्यूची नोंद करण्यात आली असून पुढील तपास पो. उ. नि. संतोष पवार हे करीत आहेत.
