धरणगाव : प्रतिनिधी
तालुक्यातील एका गावातील एका घराचे कुलूप तोडून जबरी घरफोडीची घटना उघडकीस आली आहे याप्रकरणी धरणगाव पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, धरणगाव तालुक्यातील पाळधी गावातील बस स्टॅन्ड च्या पाठीमागे असलेल्या रुक्मिणी नगरातील रहिवासी महेंद्र नामदेव कापडणे यांच्या घरात दिनांक ५ जुलै रोजी संध्याकाळी ते दिनांक ६ जुलै सकाळी सात वाजेच्या सुमारास अनोळखी चोरट्यांनी बंद घराचे कुलूप तोडून घरातून १५ हजार रुपये रोख तर ७ हजार रुपये किमतीचे चांदीचे हातातील ब्रेसलेट असा एकूण २२ हजार रुपयाचा मुद्देमाल लंपास केल्याची घटना उघडकीस आली आहे. याप्रकरणी धरणगाव पोलिसात महेंद्र कापडणे यांनी दिलेल्या फिर्यादीनुसार गुन्हा दाखल करण्यात आला आहे. पुढील तपास पोलीस हेडकॉन्स्टेबल उमेश भालेराव हे करीत आहे.
