जळगाव : प्रतिनिधी
खोटे नगर परिसरातून अवैध वाळूची चोरटी वाहतूक करणाऱ्या ट्रॅक्टरवर कारवाई केली असून याप्रकरणी ट्रॅक्टर चालकाविरोधात जळगाव तालुका पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, जळगाव शहरातील खोटे नगर परिसरातून अवैध वाळूची वाहतूक होत असल्याची कुणकुण लागताच तालुका पोलिसांच्या पथकाने कारवाई केली आहे. हि घटना ४ जुलै मंगळवारी रोजी पहाटे ५.३० वाजता हि कारवाई केली असून यावेळी निमखेडी येथील ट्रॅक्टर चालक सचिन अशोक सपकाळे (वय-२४) याच्याकडे वाळू वाहतुकीबाबत विचारणा केली असता त्याने उडवा उडवीची उत्तरे दिले. त्यानंतर पोलिसांनी ट्रॅक्टर क्रमांक (एमएच १८, ७९३२) हे वाहन जप्त केले आहे. पोलीस नाईक किरण आगोणे यांनी दिलेल्या फिर्यादीवरून ट्रॅक्टर चालक सचिन अशोक सपकाळे यांच्या विरोधात जळगाव तालुका पोलीस ठाण्यात गुन्हा दाखल करण्यात आला आहे. या घटनेबाबत पुढील तपास पोलीस हेडकॉन्स्टेबल लीलाधर महाजन करीत आहे.
