जळगाव : प्रतिनिधी
जळगाव जिल्ह्यात मंत्री गिरीश महाजन यांच्या वाढदिवसानिमित राष्ट्रवादीचे जिल्हा मध्यवर्ती सहकारी बँकेचे अध्यक्ष संजय पवार यांनी सर्वच वृत्तपत्रात एक जाहिरात दिली होती. त्यात मुख्यमंत्री एकनाथ शिंदे, देवेद्र फडणवीस व विरोधी पक्षनेते अजित पवार यांचा फोटो एकत्रित आल्यावर राज्यात मोठी खळबळ उडाली होती. त्यानंतर राष्ट्रवादीने संजय पवार यांना बडतर्फ देखील केले होते पण आजच्या राजकीय परिस्थिती बघता अजित पवारांनी उपमुख्यमंत्री पदी शपथ घेतल्यानंतर संजय पवार यांनी दिलेली ती जाहिरात अगदी खरी ठरली आहे.
भाजपचे मंत्री गिरीश महाजन यांना वाढदिवसाच्या शुभेच्छा देतांना चक्क शरद पवार व अजित पवार यांचा फोटोंचा वापर केला. त्याच्या या जाहिरातीमुळे राज्यभर चर्चा सुरु होती. जिल्हा बँक नंतर कृषि उत्पन्न बाजार समितीच्या सार्वत्रिक निवडणूकीत शिवसेना-भाजप-राष्ट्रवादी प्रणित सहकार पॅनलच्या वतीने निवडणूक लढवित आहात असे बॅनर्स, पोस्टर्स संजय पवार यांनी लावलेले होते. पण आता या जाहिरातीवर शिक्कामोर्तब करण्यात आले आहे.
