पारोळा : प्रतिनिधी
तालुक्यातील एका गावात १५ वर्षीय अल्पवयीन मुलीचा विनयभंग करत जीवेठार मारण्याची धमकी दिल्या प्रकरणी पारोळा पोलीस ठाण्यात एकावर गुन्हा दाखल करण्यात आला आहे.
पोलिसांनी दिलेल्या माहितीनुसार, पारोळा तालुक्यातील एका गावात १५ वर्षीय अल्पवयीन मुलगी आपल्या कुटुंबासह रहायला असून दि. २९ जून रोजी दुपारी १२ वाजेच्या सुमारास अल्पवयीन मुलगी ही घरी एकटीच होती. या संधीचा फायदा घेत गावातील राजेंद्र अर्जून पाटील याने घरात घुसून मुलीसोबत अश्लिल चाळे केले. त्यानंतर तिचा हात ओढून अंगलट करून विनयभंग केला. एवढेच नाही तर हा प्रकार कुणाला सांगितला तर जीवेठार मारण्याची धमकी दिली. हा प्रकार घडल्यानंतर पीडित मुलीच्या आईने पोलीस ठाण्यात धाव घेवून तक्रार दिली. त्यानुसार संशयित आरोपी राजेंद्र अर्जून पाटील याच्या विरोधात गुन्हा पारोळा पोलीस ठाण्यात गुन्हा दाखल करण्यात आला आहे. पुढील तपास डीवायएसपी सुनिल नंदवाळकर हे करीत आहे.
