जळगाव : प्रतिनिधी
शहरातील एका परिसरात २८ वर्षीय तरुण पिस्तुल घेत दहशत निर्माण करण्याच्या उद्देशाने फिरत असतांना पोलिसांनी त्याला रंगेहात ताब्यात घेतले आहे. या प्रकरणी रामानंद पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, शहरातील मानराज पार्कजवळ दि. २८ रोजी संशयित आरोपी नितीन शंकर फुलमाळी (वय २८) हा तरुण बेकायदेशीररित्या शस्त्र परवाना नसताना दहशत निर्माण करण्याच्या उद्देशाने एका ठिकाणी असतांना त्याला पोलीस नाईक अविनाश देवरे यांनी ताब्यात घेतले असता त्याची विचारपूस केली असता त्याच्याकडून ३० हजार रुपये किमतीची पिस्तुल, १ हजार रुपये किमतीचे २ जिवंत राऊंड मिळून आले. या प्रकरणी रामानंद पोलिसात त्याच्या विरोधात गुन्हा दाखल करण्यात आला असून अटक देखील करण्यात आलेली आहे. पुढील तपास पोहेकॉ.निलेश पाटील हे करीत आहे.
