धरणगाव : प्रतिनिधी
तालुक्यातील तरडे येथे प्रती पंढरपूर श्री विठ्ठल रुख्मिणी यात्रा दरवर्षी प्रमाणे यंदाही मोठ्या उत्साहात साजरी करण्यात येत असून दि.२९ रोजी गुरुवारी आषाढी एकादशीनिमित्त भव्य दिंडी सोहळ्याचे आयोजन करण्यात आले असून यावेळेस दिंडी सोहळ्याचे स्पर्धाचे आयोजन देखील करण्यात आले आहे.
दिंड्या स्पर्धा सकाळी ९.३० वाजेपासून १०.३० पर्यत होणार असून यात प्रथम बक्षीस ५०१, द्वितीय ३०१, तृतीय २०१, चतुर्थ १०१ असे आहे. यानंतर सर्व भाविकांना फराळाची व्यवस्था केलेली आहे. तरी भाविकांना याचा लाभ घ्यावा. हा कार्यक्रम तरडे येथील श्री विठ्ठल रुखामाई मंदिर, तानसेन महाराज मठ या ठिकाणी होत असून अनमोल सहकार्य तानसेन महाराज भजनी मंडळ व ग्रामस्थांनी केली आहे.
