जळगाव : प्रतिनिधी
शहरातील एका परिसरातील ३० वर्षीय तरुणीने आपल्या राहत्या घरात गळफास घेत जीवनयात्रा संपविल्याची घटना शुक्रवारी दुपारी उघडकीस आली आहे. याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार, शहरातील अयोध्या नगर परिसरात असलेल्या रौनक कॉलनीतील रहिवासी कोमल वसंत भावसार (वय-३०) या तरुणीचे आई आणि भाऊ बाहेरगावी तर वडील कामाला गेले असल्याने घरात कोणीच नसतांना तरुणीने घरात गळफास घेवून आपली जीवनयात्रा संपविल्याची घटना शुक्रवारी दुपारी उघडकीस आली. तरुणीचे वडील घरी आल्यानंतर त्यांना मुलगी गळफास घेतलेल्या अवस्थेत दिसून आल्याने त्यांना धक्का बसला. कोमल एका बँकेत अकाऊंटन म्हणून नोकरीला होती. तरुणीची आई आणि भाऊ पुण्याला गेले होते तर वडील वर्कशॉपमध्ये कामाला गेले असल्याने ती घरी एकटीच होती. दुपारच्या सुमारास कोमल भावसार हीने राहत्या घरात गळफास घेवून आपली जीवनयात्रा संपविली. सायंकाळी तीचे वडील कामावरुन घरी परतले असता, त्यांना आपली मुलगी गळफास घेतलेल्या अवस्थेत दिसून आली. मुलीचा मृतदेह बघताच त्यांनी मनहेलावणारा आक्रोश केला. याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.
