जळगाव : प्रतिनिधी
शहरातील एका परिसरात आज सकाळी महापुरूषांच्या पुतळ्याची विटंबना करण्यात आल्याचा धक्कादायक प्रकार उघडकीस आल्यानंतर शहरात एकच खळबळ उडाली होती. यावेळी समाजबांधवानी आक्रमक पवित्रा घेतला होता.
मिळालेल्या माहितीनुसार, शहरातील समता नगर परिसरातील एका भागात महापुरूषाचा पुतळा असून आज सकाळी या पुतळ्याची विटंबना झाली असल्याचा प्रकार परिसरातील नागरिकांना दिसून आले. यामुळे काही वेळ या परिसरातील नागरिकांनी जोरदार घोषणाबाजी केली होती. या प्रकरणी दोषींवर कारवाई करण्यात यावी यासाठी समाजबांधव आक्रमक झाले आहेत. दरम्यान, या प्रकाराची माहिती मिळताच पोलिसांनी घटनास्थळी धाव घेतली आहे. कोणताही अनुचीत प्रकार होऊ नये यासाठी येथे कडेकोट बंदोबस्त लावण्यात आला आहे. या संदर्भात कुणीही अफवांना थारा देऊ नका असे आवाहन पोलीस प्रशासनाने केले आहे. तर या प्रकरणी तपासाची चक्रे फिरवण्यात आली आहे. घटनास्थळी जळगाव पोलीस अधिकारी व कर्मचारी दाखल झाले होते.
