मुक्ताईनगर : प्रतिनिधी
तालुक्यातील एका २० वर्षीय तरुणीला परिवारातील सदस्यांना मारण्याची धमकी देत घरात नेत अत्याचार केल्याची घटना घटना उघडकीस आली आहे. या प्रकरणी मुक्ताईनगर पोलिसात दोन जणांविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, मुक्ताईनगर तालुक्यातील एका गावात २० वर्षीय तरुणी आपल्या परिवारासह राहायला आहे. दि जून महिन्यात तरुणी घरी जात असतांना तिला रस्त्यात गाठत तिला जबरीने ओढून नेत तिला मारहाण करीत आई, वडील, भाऊ यांना जीवे ठार मारण्याची धमकी देत तरुणाच्या राहत्या घरी घेवून जात तिच्यावर अत्याचार करीत त्याचे व्हिडीओ बनविला तर त्यानंतर २० दिवसांनी पुन्हा तरुणीला लग्नाची मागणी घालत तरुणीने लग्नास नकार दिल्याने मोबाईलमध्ये केलेले व्हिडीओ व्हायरल करण्याची व आई,वडील, भाऊ यांना जीवे ठार मारण्याची धमकी देत तरुणीच्या चुलत भावना शिवीगाळ करीत मारहाण केल्या प्रकरणी तरुणीने मुक्ताईनगर पोलिसात संशयित आरोपी फारुख सुलतान पठाण(वय २३) याच्यासह आणखी एका तरूणाविरोधात बलात्कार केल्या प्रकरणी गुन्हा दाखल केला असून पुढील तपास पोलीस उपनिरीक्षक संदीप चेडे हे करीत आहेत. या प्रकरणी पोलिसांनी एका आरोपीला अटक केली आहे.
