धरणगाव : प्रतिनिधी
तालुक्यातील एका गावातील रात्रीच्या सुमारास मार्केट परिसरात एका तरुणावर चार जणांनी प्राणघातक हल्ला चढविल्याची घटना घडली आहे. या प्रकरणी धरणगाव पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, धरणगाव तालुक्यातील पिंप्री खु या गावातील मुख्य रस्त्यावर दि.१८ जून रोजी रात्रीच्या सुमारास चार संशयित तरुणांनी गावातील दुकाने बंद करा असे जोरजोरात ओरडत आले व राहुल संतोष बोरसे हा तरूण घराबाहेर उभा असतांना त्यातील एकाने तु येथे कसा काय उभा आहे असे बोलून धक्काबुकी केली यानंतर या चार हि तरुणांनी राहुल बोरसे नामक तरुणाच्या डोक्यात लोखंडी दांडका टाकत जीवे ठार मारण्याचा प्रयत्न केला व याठिकाणी परिसरातील काही लोकांनी गर्दी केली असता त्यांनी तरुणांना जीवे ठार मारण्याची धमकी देत निघून गेले. काही वेळात परिवारातील सदस्यांनी तरुणाला रुग्णालयात दाखल करीत धरणगाव पोलिसात धाव घेत या प्रकरणी सुवर्णा राहुल बोरसे (वय २०) यांच्या फिर्यादीवरून संशयित आरोपी अजय भिल, रघुनाथ गायकवाड, सागर सोनवणे व मुकेश बागुल याच्या विरोधात खुनाचा प्रयत्न केल्या असल्याचा गुन्हा दाखल करण्यात आला असून पुढील तपास सपोनि जिभाऊ पाटील हे करीत आहे.
