धरणगाव : प्रतिनिधी
तालुक्यातील एका गावात मध्यरात्रीच्या सुमारास अनोळखी चोरट्यांनी जबरी घरफोडी करीत लाखो रुपयांचा सोन्यासह चांदीचे दागिने लंपास केल्याची घटना उघडकीस आली आहे. या प्रकरणी धरणगाव पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, धरणगाव तालुक्यातील पाळधी गावातील रहिवासी संजय परशुराम पाटील हे शेती करून आपल्या परिवाराचा उदरनिर्वाह करतात. दि १६ रोजी रात्री ९ वाजेपासून ते १७ रोजी सकाळी ५ वाजे दरम्यान अनोळखी चोरट्यांनी त्यांच्या घरातून तब्बल १ लाख १८ हजार ५८३ रुपये किमतीचे सोन्यासह चांदीचे दागिने लंपास केले आहे. या प्रकरणी धरणगाव पोलिसात अनोळखी चोरट्या विरोधात गुन्हा दाखल करण्यात आला असून पुढील तपास पोहेकॉ.राजेद्न कोळी हे करीत आहेत.
