जळगाव : प्रतिनिधी
अमळनेर शहरात १६ रोजी राष्ट्रवादीचे अध्यक्ष शरद पवार व विरोधी पक्षनेते अजित पवार यांचा दौरा झाला यावेळी भव्य रोड शोचे देखील आयोजन करण्यात आले होते. त्यामुळे या रोडशोमध्ये जिल्ह्यातील अनेक राष्ट्रवादीचे कार्यकर्ते पदाधिकारी मोठ्या संख्येने उपस्थित झाले होते. यावेळी चोरट्यांनी आपली चलाखी दाखवत अनेक कार्यकर्त्यांच्या खिश्यावर डल्ला मारला असल्याचे उघडकीस आले आहे.
मिळालेल्या माहितीनुसार, राष्ट्रवादीच्या रोड शो आणि सभेत ४६ जणांचे पैसे, पाकीट, मोबाइल चोरीस गेले आहेत. पोलिसांनी चार जणांना चोरी करताना पकडले आहे. समीर शहा सलीम शहा (२२, रा. रामदेवबाबानगर, धुळे), हमीदअली मोहम्मद अली उमर (४२, रा. रोशनबाग, मालेगाव), उमर फारूख शेख लतीफ (२२, रा. आझादनगर, मालेगाव) आणि भैया विक्रम खैरनार (३८, रा. बालाजीनगर, शिरपूर) अशी या चोरट्यांची नावे आहेत. गौरव उदय पाटील यांच्या खिशातील जवळपास २० हजार रुपये चोरले आहेत.
