लाईव्ह महाराष्ट्र न्यूज: शहरातील मेहरूण परिसरातीळ कृष्णा लॉन येथे एक तरुण गावठी बनावटीचे पिस्टल व दोन जिवंत काडतूस घेवून फिरणाऱ्या तरूणाला एमआयडीसी पोलीसात अटक केली आहे. त्याच्या विरुद्ध एमआयडीसी पोलिसात गुन्हा दाखल करण्यात आला.
याबाबत माहिती अशी की, शहरातील मेहरूण परिसरातीळ कृष्णा लॉन परिसरात एक तरूण बेकायदेशीर गावठी बनावटीचा पिस्तूल आणि काडतूस घेवून फिरत असल्याची गोपनिय माहिती एमआयडीसी पोलीस ठाण्याचे पोलीस निरीक्षक प्रताप शिकारे यांना मिळाली. त्यानुसार त्यांच्या पथकातील पोलीसांनी शुक्रवारी २२ ऑक्टोबर रोजी सायंकाळी ६ वाजेच्या सुमारास कारवाई करत संशयित आरोपी योगेश अंबादास बारी (वय-३१) रा. बारीवाडा पिंप्राळा याला ताब्यात घेतले. त्यांची कसून चौकशी केली असता त्याच्या कमरेला गावठी बनावटीचे पिस्तूला आणि दोन जिवंत काडतूस आढळून आले असून ते जप्त करण्यात आले याप्रकरणी रात्री उशीरा पोलीस कॉन्स्टेबल छगन तायडे यांच्या फिर्यादीवरून संशयित आरोपी योगेश बारी याच्या विरोधात एमआयडीसी पोलीस ठाण्यात गुन्हा नोंदविण्यात आला आहे. पुढील तपास सहाय्यक फौजदार अतुल वंजारी करीत आहे.
