जळगाव : प्रतिनिधी
शहरातील सावखेडा शिवारात असलेल्या काही परिसरातील नागरिकांनी सहाय्यक अभियंता यांना आज निवेदन देऊन आपली व्यथा मांडण्यात आली आहे
निवेदनात म्हटले आहे की जळगाव शहरातील सावखेडा शिवारात असलेल्या जाणता राजा नगर कोल्हे हिल्स परिसर या परिसरात गेल्या कित्येक वर्षापासून शिरसोली सब स्टेशन कडून वीज पुरवठा नियमित होत असतो त्यात वीजपुरवठा अत्यल्प मिळतो तर कधी व्होल्टेज कमी असते. पाण्याचे कनेक्शन सुरू होत नाही फ्रिज व पंखे नियमितपणे जळत असतात त्यामुळे हा विद्युत पुरवठा बंद करून गिरणा पंपिंग रोड सबस्टेशन येथून या परिसरात विद्युत पुरवठा मिळावा अशी मागणी नागरिकांनी निवेदनाद्वारे केली आहे.
निवेदनावर देविदास जाधव, गोपाल कुलकर्णी, तुषार बोरसे, नैनेश्वर राठोड, प्रशांत निकम, महेंद्र पाटील, सुभाष पवार यांच्यासह अनेक नागरिकांच्या स्वाक्षऱ्या आहेत.
