मुंबई: वृत्तसंस्था
अवकाळी पावसामुळे राज्यात सुमारे १५.९६ लाख हेक्टर बाधित क्षेत्रातील २७ लाख ३६ हजार शेतकऱ्यांचे नुकसान झाले होते. या शेतकऱ्यांना नुकसान झालेल्या शेतकऱ्यांना १ हजार ५०० कोटी रुपयांची मदत राज्य मंत्रिमंडळाची बैठकीत देण्याचा निर्णय घेण्यात आला.
राज्यात गेल्या वर्षी झालेल्या सततचा पाऊस ही नवीन आपत्ती घोषित करुन मदत देण्याचा निर्णय ५ एप्रिलच्या मंत्रिमंडळ बैठकीत घेतला होता. त्याप्रमाणे शेतीपिकांच्या नुकसानीसाठी राज्य आपत्ती प्रतिसाद निधीच्या सुधारित दराने आणि निकषानुसार मदत देण्याचा निर्णय घेतला आहे. केंद्र सरकारने राज्य मंत्रिमंडळाचा निर्णय ५०० रुपये प्रति हेक्टर अशी आपत्ती प्रतिसाद निधीचे दर सुधारित केले आहेत. त्यानुसार जिरायत पिकांच्या नुकसानीसाठी प्रतिहेक्टर ८ हजार ५०० रुपये, बागायत पिकांच्या नुकसानीसाठी १७ हजार रुपये प्रति हेक्टर आणि बहुवार्षिक पिकांच्या नुकसानीसाठी २२ हजार दोन हेक्टरच्या मर्यादेत ही मदत मिळेल. कंत्राटी ग्रामसेवकांच्या मानधनात १० हजार रुपयांची वाढ करण्याचा निर्णय घेण्यात आला. सध्या कंत्राटी ग्रामसेवकाला ६ हजार रुपये दरमहिना मानधन मिळते. आता या निर्णयानंतर ग्रामसेवकाला १६ हजार रुपये मानधन मिळेल.
