जळगाव : प्रतिनिधी
शहरातील एका परिसरातील एटीएमच्या जवळून १४ वर्षीय अल्पवयीन मुलाला अनोळखी इसमाने पळवून नेल्या प्रकरणी जिल्हा पेठ पोलिसात गुन्हा दाखल करण्यात आला आहे.
शहरातील गुजरात पेट्रोल पंप परिसरातील एका बँकेच्या एटीएमच्या बाहेरून दि.१० जून रोजी दुपारी १.१० वाजेच्या सुमारास एरंडोल तालुक्यातील एका १४ वर्षीय अल्पवयीन मुलास अनोळखी इसमाने पळवून नेल्या प्रकरणी जिल्हा पेठ पोलिसात मुलाच्या वडिलांनी दिलेल्या फिर्यादीवरून गुन्हा दाखल करण्यात आला आहे. पुढील तपास पोहेकॉ.तुषार जावरे हे करीत आहेत.
