चोपडा : प्रतिनिधी
तालुक्यात एका ६ वर्षीय अल्पवयीन मुलीवर अत्याचार केल्या प्रकरणी एका १३ वर्षीय अल्पवयीन मुला विरोधात अत्याचार केल्याप्रकरणी गुन्हा दाखल करण्यात आला आहे.
चोपडा तालुक्यातील एका गावात ६ वर्षीय अल्पवयीन मुलगी आपल्या परिवारासह रहिवासास आहे. याच परिसरात १३ वर्षीय अल्पवयीन मुलगा देखील राहतो. त्याने दि.८ जून रोजी सायंकाळी ५.३० वाजेच्या सुमारास त्याच्या मित्राच्या गच्चीवर अल्पवयीन मुलीस बोलवून तिच्या सोबत चुकीचे कृत्य केल्या प्रकरणी त्याच्या विरोधात चोपडा शहर पोलीस स्थानकात गुन्हा दाखल करण्यात आला आहे. पुढील तपास सहायक पोलीस निरीक्षक संतोष चव्हाण हे करीत आहेत.
