जळगाव : प्रतिनिधी
भारतीय जनता पार्टीचे प्रदेशाध्यक्ष चंद्रशेखरजी बावनकुळे यांनी जळगाव, धुळे,नंदुरबार तिन्ही जिल्ह्यातील विधानसभा निवडणूक प्रमुख 2024 या पदी नियुक्त्या जाहीर केल्या आहेत.
ना.गिरीषजी महाजन यांच्या आदेशानुसार जळगाव ग्रामीण विधानसभा निवडणूक 2024 प्रमुख पदी दादासो चंद्रशेखर अत्तरदे यांची निवड करून खऱ्या अर्थाने त्यांना पक्षाने न्याय दिल्याचे बोलले जात आहे कारण भाजप-शिवसेना युती झाल्यामुळे 2024 मधील निवडणूक त्यांना लढविता येणार नाही म्हणूनच पक्षनेतृवाने त्यांना ही जबाबदारी दिली असावी.मागील विधानसभा निवडणूक त्यांनी कार्यकर्त्यांच्या आग्रहास्तव अपक्ष लढविली होती त्यात त्यांचा पराभव झाला होता. चंद्रशेखर अत्तरदे यांना मिळालेल्या जवाबदारी मुळे मतदारसंघातील कार्यकर्ते व पदाधिकारी देखील आनंदी आहेत.
