जळगाव मिरर | २ जून २०२३
यावल तालुक्यातील अंजाळे येथे जाण्यासाठी बस चढणाऱ्या महिलेच्या गळ्यातील सोन्याची पोत चोरण्याचा प्रयत्न करणाऱ्या दोन महिलांना रंगेहाथ पकडले. त्यात ३५ हजारांचा मुद्देमाल एका महिलेकडे आढळून आला. फिर्यादी मंदाकिनी सोनवणे ( वय ६६, रा. अंजाळे ता. यावल) या भुसावळला जाण्यासाठी बसमध्ये चढत होत्या. त्यावेळी दोन महिला धक्काबुक्की करत होत्या.
त्यावेळी एका महिलेने सहा ग्रॅम वजनाची मंगलपोत खेचली. त्यांनी क्षणातच महिलेचा हात धरला. आणि आरडाओरड केली. त्या महिलेला पकडून रावेर पोलीस ठाण्यात नेले. तिच्याकडे ही मंगलपोत आढळली. सोनवणे यांच्या फिर्यादीवरून राधाबाई कैलास गाढे (वय ४५ रा. तांबापुरा, जळगाव) हिच्याविरोधात गुन्हा दाखल केला. तपास इस्माईल शेख करत आहेत.
