जळगाव : प्रतिनिधी
जिल्ह्यातील एका तालुक्यात एका बँकेच्या शाखेत भारतीय चलनातील असलेले बनावट 3 हजारांच्या नोटा एका इसमाने चलनात आणल्या प्रकरणी त्याच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार पारोळा शहरातील एच डी एफ सी बँक शाखेत दिनांक २९ मे रोजी सायंकाळच्या सुमारास संशयित आरोपी राजू आत्माराम पाटील रा. चोरवड तालुका पारोळा यांनी भारतीय चलनाच्या पाचशे रुपयांच्या दराच्या सहा नोटा खरे असल्याचे भासवत बँकेतील मशीनने चेक केले असता त्या बनावट स्वरूपाच्या नोटा आढळून आल्या याप्रकरणी जितेंद्र खरे यांच्या फिर्यादीवरून पारोळा पोलीस स्थानकात संशयित आरोपी राजू आत्माराम पाटील यांच्या विरोधात पारोळा पोलिसात गुन्हा दाखल करण्यात आला आहे. याप्रकरणी पुढील तपास पोलीस नाईक योगेश जाधव हे करीत आहे.
