लाईव्ह महाराष्ट्र न्यूज: जिल्हा मध्यवर्ती सहकारी बँकेत आज अर्ज दाखल करण्याच्या शेवटच्या दिवशीच बँकेवर पिता पुत्रांनी भगवा फडकविला आहे त्यामुळे शिवसेनेचे आमदार चिमणराव पाटील व त्याचे सुपुत्र अमोल पाटील अनुक्रमे एरोडल,पारोळा विकासोतून बिनविरोध विजयी झाले आहे फक्त अधिकृत घोषणा बाकी आहे.
आज जिल्हा मध्यवर्ती सहकारी बँकेच्या निवडणुकीसाठी अर्ज दाखल करण्याचा शेवटचा दिवस होता. आज दुपारी तीन वाजेपर्यंत अर्ज दाखल करण्याची मुदत होती. पारोळ्यातून आमदार चिमणराव पाटील तर एरंडोलमधून त्यांचे चिरंजीव अमोल चिमणराव पाटील यांची देखील बिनविरोध निवड निश्चीत झाली आहे. त्यामुळे शिवसेनेचे दोन सदस्य जेडीसीसी बँकेवर विजयी झाले।आहे त्यामुळे जेडीसीसी बँकेवर भगवा फडकला आहे.
दरम्यान, संजय पवार, अमोल पाटील आणि चिमणराव पाटील यांची बिनविरोध निवड निश्चीत झाल्यानंतर जिल्हा बँकेत त्यांचा सत्कार करण्यात आला. याप्रसंगी माजी मंत्री गुलाबराव देवकर, माजी मंत्री डॉ. सतीश पाटील, जिल्हा बँक अध्यक्षा रोहिणीताई खडसे, शिवसेना जिल्हाप्रमुख विष्णू भंगाळे, संजय पवार, अमोल पाटील, विजय भास्कर पाटील, ज्ञानेश्वर महाजन आदी मान्यवरांची उपस्थिती होती.
