रावेर : प्रतिनिधी
तालूक्यातील लहान वाघोदा येथील मस्कावद रोडवर सुरू असलेल्या जुगार अड्डयावर पोलिसांनी छापा टाकून अकरा जणांना अटक केली. त्यांच्याकडून ३५ हजार रुपयांचा मुद्देमाल जप्त करण्यात आला आहे. शनिवारी सायंकाळी ही कारवाई करण्यात आली.
मिळालेल्या माहितीनुसार, यात नऊ हजार दोनशे रुपये रोख तर नऊ मोबाइल व पत्ता, जुगाराचे साहित्य जप्त करण्यात आले आहे. धनराज राजेंद्र पाटील (३०), अनवर ऊर्फ फिरोज सरवर पटेल, (३५ साबीर सिकंदर पटेल, (२५), विनोद काशीनाथ कोळी (४२), सुभाष मुरलीधर पाटील (६२), अरविंद ऊर्फ दीपक रमेश पाटील (४०), सुभाष धोंडू चौधरी (६१), शाहरुख सिकंदर पटेल (२५), उमेश पंडित कोळी (30) अनिल रसूल पटेल (४३, सर्व रा. वाघोदा खु, ता. रावेर) आणि काशिनाथ घावा कोरोशिया (४०, रा. मेहतर कॉलनी, सावदा, ता. रावेर) या संशयिताना अटक करण्यात आली आहे. सपोनि जालिंदर पळे यांच्या मार्गदर्शनाखाली सहायक फौजदार पांडुरंग सपकाळे, पोहेकॉ विजय पोहेकर, संजीव चौधरी, अक्षय हिरोळे, यशवंत टहाकळे, विनोद दामोदर यांच्या पथकाने ही कारवाई केली. पुढील तपास पोहेकॉ विजय श्रावण पोहेकर हे करीत आहेत.
