धरणगाव : प्रतिनिधी
तालुक्यातील चमगाव रस्त्यावर आज सकाळच्या सुमारास एक ट्रक खताने भरलेला भाजप तालुकाध्यक्ष यांनी पकडला त्यानंतर कृषी विभागाला घटनास्थळी पाचारण केल्यानंतर त्यांनी हा ट्रक लागलीच धरणगाव पोलिस स्थानकात आणण्यात आला होता. त्यामुळे धरणगाव तालुक्यात एकच खळबळ उडाली आहे.
मिळालेल्या माहितीनुसार , तालुक्यातील चमगाव रस्त्यावर आज सकाळी ट्रक (एमएच १८, बीजी ५८०३) मधून एका पिकअप व्हॅनमध्ये खताची गोणी भरली जात असल्याची माहिती भाजप तालुकाध्यक्ष निर्दोष पवार यांना मिळाली असतान त्यांनी घटना स्थळी जावून विचारपूस केली असता या गाडीतील चालक व एक व्यक्ती फरार होवून गेला आहे. त्यानंतर त्यांनी लागलीच धरणगाव कृषी विभागाचे श्री. चव्हाण यांना फोन करून बोलविले असता त्यांनी हा ट्रक धरणगाव पोलिसात घेवून गेले आहे. त्यानंतर त्यांनी पिकअप वरील चालकाला खतांची गोणी कोणत्या शेतकऱ्याकडे घेऊन जात असल्याचे विचारले असता, त्याला काहीही सांगता आले नाही. त्यामुळे आता ट्रक मालकाची वाट बघितली जात असून त्यांच्याकडे संबंधित खताशी निगडीत काही पावत्या असल्याची त्याची खात्री केली जाईल. ट्रक मालक समोर येत नाही, तोपर्यंत काहीही सांगता येणार नाही, अशी प्रतिक्रिया श्री. चव्हाण यांनी दिली. दरम्यान, घटनास्थळी बघ्यांनी एकच गर्दी केली आहे.
