धरणगाव : प्रतिनिधी
धरणगाव येथील रहिवासी तसेच जम्मू श्रीनगर येथे कार्य रत किशोर पाटील यांचा कर्तव्य बहुउद्देशीय संस्थेच्या वतीने भारत मातेची प्रतिमा देऊन सत्कार करण्यात आला .
गेल्या बारा वर्षापासून सीआरपीएफ मध्ये देशाची सेवेत कार्यरत असलेले किशोर पाटील देशाच्या सीमेलगत सेवा करीत असताना अनेक वेळा दहशतवादांशी लढले आहेत. नुकतेच ते गावी सुट्टीमध्ये आले असता याच पार्श्वभूमीवर कर्तव्य बहुद्देशीय संस्थेचे अध्यक्ष सुनील चौधरी यांनी भारत मातेची प्रतिमा देऊन सत्कार केला. यावेळी किशोर पाटील यांनी शत्रूंच्या कारवाई हाणून पाडण्यासाठी काय करावे लागते याचे अनेक किस्से सांगितले.
