चोपडा : प्रतिनिधी
शहरातील रामपुरा, पारधीवाडा भागातील रहिवासी असलेला संदीप निळकंठ चव्हाण (२४) याचा घराजवळच सुरू असलेल्या कार्यक्रमात नाचत असताना अचानक चक्कर येऊन जमिनीवर पडल्याने मृत्यू झाल्याची घटना दि. १८ रोजी पहाटे ३:३० वाजेच्या सुमारास घडली आहे.
मिळालेल्या माहितीनुसार, दि. १८ रोजी मयत संदीप चव्हाण याच्या घराशेजारी गाण्यांचा कार्यक्रम सुरू होता. यावेळी १८ रोजी पहाटे ३:३० वाजता गाण्यांवर नाचत असताना चक्कर आल्याने संदीप जमिनीवर पडला. त्याला तत्काळ चोपडा उपजिल्हा रुग्णालयात दाखल केले असता डॉ. प्रसाद पाटील यांनी मृत घोषित केले. मृत्यूच्या काही तासांपूर्वी संदीपने चुलत भावाचा लग्नाचा वाढदिवस साजरा केला होता. मयत संदीपचे चोपडा उपजिल्हा रुग्णालयात शवविच्छेदन करण्यात येऊन रोजी दुपारी १२:३० वाजेच्या सुमारास शोकाकुल वातावरणात अंत्यसंस्कार करण्यात आले.
