रावेर : प्रतिनिधी
तालुक्यातील एका गावातील अल्पवयीन मुलीला एकाने जून २०२२ मध्ये तिच्यासोबत चुकीचे कृत्य केल्यानंतर हि अल्पवयीन मुलीस गर्भवती केल्याबाबत एका विरोधात रावेर पोलिसात गुन्हा दाखल करण्यात आला आहे.
मिळालेल्या माहितीनुसार, रावेर तालुक्यातील एका गावातील ऊस तोडणीसाठी नेहमी प्रवासात असलेले कुटुंब हे आपल्या परिवाराच्या उदरनिर्वाहासाठी नेहमीच बाहेरगावी असते. याच काळात दि १४ जून २०२२ च्या दिवशी बारामती परिसरातील फलटण या गावी असतांना याठिकाणी रावेर तालुक्यातीलच एका इसमाने संबधित परिवारातील सदस्य ऊस तोडणीसाठी गेले असता. त्यांच्या झोपडीत जावून त्यांच्या अल्पवयीन मुलीवर जबरदस्ती करीत तिच्यासोबत शरीरसंबध ठेवले असता तीस गर्भवती करून अशा अवस्थेत आणले. त्यामुळे अल्पवयीन मुलीच्या आईने दिलेल्या फिर्यादीवरून रावेर पोलिसात एका विरोधात बलात्कार केल्याप्रकरणी गुन्हा दाखल करण्यात आला आहे. पुढील तपास पोउनी. विशाल सोनवणे हे करीत आहेत.
