एरंडोल : प्रतिनिधी
तालुक्यातील पिंपळकोठा शिवारातून अज्ञात चोरटयांनी ३० हजार रुपये किमतीची मोटार चोरून नेल्याची घटना उघडकीस आली असून याप्रकरणी एरंडोल पोलिसांत गुन्हा दाखल करण्यात आला आहे.
याबाबत सूत्रांनी दिलेली माहिती अशी कि, तक्रारदार ऍड कादंबरी सोनवणे रा. जळगाव यांचे पिंपळकोठा शिवारात शेत असून या शेतामधून अज्ञात चोरटयांनी ३० हजार रुपये किमतीची पाण्याची मोटार चोरून नेल्याचा प्रकार २६ एप्रिल ते ४ मे दरम्यान घडला असून त्यांनी एरंडोल पोलिसांत दिलेल्या तक्रारीवरून अज्ञात चोरट्यांविरुद्ध गुन्हा दाखल करण्यात आला आहे. तपास पोहेकॉ राजेश पाटील करीत आहे.
