रावेर : प्रतिनिधी
तालुक्यातील एका गावातील १० वर्षीय चिमुकलीवर एका ५६ वर्षीय इसमाने लैंगिक शोषण केल्याची घटना घडली आहे. या प्रकरणी पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, रावेर तालुक्यातील एका गावात १० वर्षीय चिमुकली आपल्या परिवारासह वास्तव्यास आहे. याच गावातील एका ५६ वर्षीय इसमाने दि १ मे रोजी रात्री ७.४० वाजेच्या सुमारास चिमुकलीला चॉकलेट देवून तिचे लैंगिक शोषण केल्या प्रकरणी मुलीच्या आईने दिलेल्या फिर्यादीवरून सावदा पोलिसात संशयित आरोपी प्रदीप कोळी (वय ५६) याच्या विरोधात पोस्को कायद्याने गुन्हा दाखल करण्यात आला असून संशयित आरोपीला पोलिसांनी ताब्यात घेतले आहे. पुढील तपास पोउनी.अनवर तडवी हे करीत आहेत.
