धरणगाव : प्रतिनिधी
येथील बसस्थानकाजवळील संत शिरोमणी रविदास महाराज स्मारकाचे लोकार्पण व चौकाचे उद्घाटन चर्मकार संघाचे राष्ट्रीय अध्यक्ष बबनराव घोलप व पालकमंत्री गुलाबराव पाटील यांच्या हस्ते आज झाले. याप्रसंगी माजी आमदार दिलीप कानडे, आमदार भाऊसाहेब कांबळे, दत्तात्रय गोतीसे, मुकुंद सपकाळे, डिगंबर महाले, पांडुरंग बाविस्कर, पांडुरंग सातपुते, नंदिनी सौंदाणकर, शोभा कानडे, आनंदा महाले, चर्मकार संघाचे राष्ट्रीय कार्याध्यक्ष भानुदास विसावे, माजी नगराध्यक्ष अंजली विसावे यांच्या उपस्थितीत करण्यात आले.
चर्मकार समाजाचा मेळावा पी. आर. हायस्कूलच्या प्रांगणात घेण्यात आला.
प्रास्ताविक राष्ट्रीय कार्याध्यक्ष भानुदास विसावे यांनी केले. पालकमंत्री गुलाबराव पाटील यांनी सांगितले की, मी सर्वच छोट्या-छोट्या समाजाला न्याय देण्याचा प्रयत्न करतो, तसाच प्रयत्न चर्मकार समाजाला न्याय देण्यासाठी केला आहे. माजी मंत्री बबनराव घोलप यांनी सांगितले की, प्रत्येक जिल्ह्यात असाच समाज मेळावा व्हावा. या मेळाव्यात प्रदेशाध्यक्ष माधवराव गायकवाड, राहुल जगताप, दत्तात्रय गोतीसे, दिलीप चव्हाण, माजी आमदार दिलीप कानडे, राष्ट्रीय कार्याध्यक्ष भानुदास विसावे, माजी नगराध्यक्ष अंजली विसावे, पांडुरंग सातपुते, पांडुरंग बाविस्कर, प्रा. आर. एन महाजन, डी. जी. पाटील, गुलाबराव वाघ, ज्ञानेश्वर महाजन, डी. आर. पाटील दीपक वाघमारे, चंदन पाटील, गुलाब मराठे, दीपक सोनवणे, भारती बाविस्कर, सुनीता लिंगायत आदी उपस्थित होते.
कार्यक्रम यशस्वितेसाठी तालुकाध्यक्ष दिलीप वाघ, उपाध्यक्ष विनोद मोतीराळे, सचिव संतोष लिंगायत, युवा शहराध्यक्ष मयूर मोरावकर, शहराध्यक्ष संजय बंसी, तालुका संघटक संतोष लिंगायत, सल्लागार धर्मराज मोरे यांनी परिश्रम घेतले.शेवटी आभार संघटनेचे प्रदेश उपाध्यक्ष पांडुरंग बाविस्कर यांनी मानले.
