धरणगाव : प्रतिनिधी
धरणगाव – एरंडोल कृषी उत्पन्न बाजार समितीच्या मतमोजणी आज सकाळी ८ वाजेपासून सुरु झाल्या आहे. तर पहिलाच निकाल पालकमंत्री गुलाबराव पाटील यांच्या नेतृत्वात हमाल मापाडी मतदार संघातून उमेदवार विजयी झाला आहे.
धरणगाव कृषी उत्पन्न बाजार समितीच्या निवडणुकीत शिवसेना-भाजप-राष्ट्रवादी (संजय पवार गट) चे सहकार पॅनलच्या पालकमंत्री गुलाबरावजी पाटील, आमदार चिमणराव पाटील, संजय पवार, पी. सी. आबा पाटील यांच्या नेतृत्वात सहकार पॅनल तर महाविकास आघाडीतील सुरेशनाना चौधरी, गुलाबराव देवकर, गुलाबराव वाघ यांच्या वतीने शेतकरी पॅनल हि निवडणूक लढवीत आहे.
त्यात सहकार पॅनलचे उमेदवार ज्ञानेश्वर वसंत माळी यांनी बाजी मारली असून त्यांनी शेतकरी पॅनलचे पितांबर महारु पाटील यांना पराभूत केले असल्याचे वृत्त आहे. त्यामुळे येणाऱ्या निकालाकडे जळगाव जिल्हावासियांचे लक्ष लागून आहे. या निवडणुकीत दोन आजी-माजी नेत्याची प्रतिष्ठा पणाला लागली आहे.
