जळगाव : प्रतिनिधी
येत्या २३ एप्रिल रोजी जळगाव जिल्हा दौऱ्यावर उद्धव ठाकरे येणार आहेत. यावर गुलाबराव पाटील म्हणाले, ‘ आर ओ तात्यांचे माझ्यावर उपकार आहेत. शिवसेनेचे माजी आमदार स्वर्गीय आर. ओ. तात्या पाटील यांच्या पुतळ्याच्या अनावरासाठी उद्धव ठाकरे व संजय राऊत येत असतील तर त्यांचे स्वागत मात्र त्यांनी चौकटीत बोलावं. तसं पत्र मी एसपींना देणार आहे. संजय राऊत सारखा माणूस माझ्याविषयी बोलणार असेल तर सभेत घुसेल असा थेट इशारा मंत्री गुलाबराव पाटलांनी दिला आहे.
मार्च महिन्यात मालेगाव येथील सभेत संजय राऊत यांनी गुलाबराव पाटील यांच्यावर सणकून टीका केली होती. संजय राऊत हे राज्यसभेवर आमच्यामुळे निवडून गेले असं गुलाबराव पाटील म्हणाले होते. त्यावर प्रत्युत्तर देताना संजय राऊत म्हणाले, अरे मिंध्या पहिले आम्ही दिलेलं मत वापस कर. कांदा ज्याप्रमाणे रस्त्यावर फेकून दिला आहे, त्याचप्रमाणे गुलाबराव पाटलाला फेकला पाहिजे, अशी टीका राऊत यांनी केली होती. तर जळगाव जिल्ह्यात ठाकरे गटाचे नेते संजय राऊत दौऱ्यावर येत असल्याने पालकमंत्री गुलाबराव पाटील यांनी थेट संजय राऊत यांना इशाराच दिला आहे. त्यामुळे जिल्ह्यातील राजकारण तापण्याची शक्यता नाकारता येत नाही.
जळगावचे शिंदे गटाचे आमदार गुलाबराव पाटील यांनी उद्धव ठाकरे आणि संजय राऊत यांना इशारा दिला आहे. येत्या 23 तारखेला होणारा हा कार्यक्रम शिवसैनिकांसाठी अत्यंत महत्त्वाचा आहे. स्व. आर ओ तात्या यांच्या पुतळ्याच्या अनावरण कार्यक्रमाच्या निमित्ताने शिवसैनिकांचे ठाकरे आणि शिंदे असे दोन गट पडलेले पहायला मिळतील. त्यामुळे परस्परांवर आरोप-प्रत्यारोपही होतील.
