धरणगाव : प्रतिनिधी
तालुक्यातील हिंगोणे खुर्द येथे विद्युत तारांच्या शॉर्टसर्किटमुळे शेतातील काढलेला २५ हजारांचा मका खाक जाळून खाक झाल्याची घडली. याप्रकरणी धरणगाव पोलिसात अकस्मात आगीची नोंद करण्यात आली आहे.
धरणगाव तालुक्यातील हिंगोणे खुर्द येथील ज्ञानेश्वर नारायण पाटील (७५) यांची हिंगोणे खु. गावाजवळ शेती आहे. दि. १६ रोजी दुपारी १ वाजेच्या सुमारास महावितरणच्या पोलवरील तारांचा शॉर्टसर्किट होऊन त्यातून आगीची ठिणगी पडली. त्यामुळे शेतात कापून ठेवलेल्या मका पिकाला आग लागून सुमारे २५ हजार रुपयांचे नुकसान झाले. याप्रकरणी धरणगाव पोलिसात अकस्मात आगीची नोंद झाली असून पुढील तपास पो. ना. दीपक पाटील हे करीत आहेत. दरम्यान, याप्रकरणी पंचनामा करून भरपाई देण्याची मागणी होत आहे
