मुंबई : वृत्तसंस्था
राज्यातील सरकारने तरुणासाठी पोलीस भरती घेतली होती त्याची मुंबई पोलीस भरतीसाठी कालिना ग्राऊंडवर मैदानी परीक्षा सुरू आहे. भरतीसाठी आलेल्या सचिन कदम या तरुणाचा धावताना कोसळल्याने आज मृत्यू झाल्याची घटना घडली आहे. त्यामुळे हळहळ व्यक्त होत आहे.
खेड तालुक्यातील दहिवली येथील रहिवासी असलेले सचिन कदम हे लष्करातून निवृत्त झाले आहेत. त्यामुळे ते पोलीस भरतीसाठी कालिना मैदानात परीक्षेसाठी आले होते. त्यानुसार 1600 मीटर धावताना ते तिसऱया राऊंडला कोसळले. त्याला तत्काळ रुग्णालयात दाखल केले असता डॉक्टरांनी त्याला मृत घोषित केले. तापमानाचा पारा वाढलेला असल्यानेच धावताना भरतीसाठी आलेल्या तरुणांना भोवळ येण्याचे प्रमाण वाढले आहे. या आधी 17 फेब्रुवारी रोजी वाशीमहून पोलीस भरतीसाठी आलेल्या गणेश उगले या तरुणाचा कालिना येथील मैदानात धावताना कोसळून मृत्यू झाला होता. तसेच अमर सोलंकी या अमरावतीच्या तरुणाचाही याच मैदानात 22 फेब्रुवारी रोजी मृत्यू झाला होता.
