भुसावळ : प्रतिनिधी
वरणगाव येथील साकरी फाट्यानजीक दोन दिवसांपूर्वी झालेल्या गोळीबार प्रकरणातील एक सूत्रधार करण संतोष सपकाळे (२४, रा. भुसावळ) यास वरणगावात अटक करण्यात आली आहे.
मिळालेल्या माहितीनुसार, साकरी फाट्यानजीक शुक्रवारी रात्री ९:३० वाजेच्या सुमारास मोटारसायकलवर आलेल्या तीन जणांनी केलेल्या गोळीबारात दोन जण जखमी झाले होते. गोळीबार प्रकरणातील एक सूत्रधार हा वरणगावात लपून बसला असल्याची माहिती पोलिसांना मिळाली. यानंतर पोलिसांनी बसस्थानक चौकात नाकाबंदी केली. त्यावेळी तिथून चौकशी केली असता त्याने उडवाउडवीची उत्तरे देत पळ काढण्याचा प्रयत्न केला. त्याचवेळी त्याला पकडण्यात आले.
