मुंबई : वृत्तसंस्था
अनेक तरुणांना आपल्या मैत्रिणीसमोर दुचाकीवर स्टंबाजी करण्याचा मोठा शौक असतो पण हाच शौक त्यांच्यावर कधी उलटतो हे त्यांना देखील समजत नाही अशीच एका घटना मुंबईतील एका तरुणाचा स्टंबाजी करतानाचा व्हिडिओ व्हायरल झाला होता. या व्हिडिओत एक तरुण दोन तरुणींसोबत खतरनाक स्टंट करताना दिसत होता. या स्टंटबाजावर पोलिसांनी कारवाई केली आहे.
यानंतर असाच एक व्हिडिओ व्हायरल झाला आहे. यामध्ये एक तरुण स्टंटबाजी करताना दिसत आहे. मात्र, त्याची चांगलीच फजिती झाली आहे. कारण स्टंटबाजी करताना हा तरुण त्याच्या मैत्रीणीला घेवून आपटला आहे.
या स्टंटबाजीचा व्हिडिओ सोशल मीडियावर तुफान व्हायरल झाला आहे. ‘dbr.offroad’ नावाच्या अकाऊंटवरुन हा व्हिडिओ इन्स्टाग्रामवर शेअर करण्यात आला आहे. लाखो लोकांनी हा व्हिडिओ पाहिला आहे. अनेक जण या व्हिडिओवर भन्नाट कमेंट करत आहेत. या व्हिडिओमध्ये एक तरुण त्याच्या मैत्रिणीला घेवून बाईक रायडिंग करत आहे. बाईकवर तो स्टंट मारताना दिसत आहे. भारधाव वेगात असलेली बाईकला तो व्हिली मारतो आणि त्याचे जजमेंट चुकते. भरधाव वेगात असलेल्या बाईकचा बॅलन्स बिघडतो. मैत्रिणीला घेवून तो बाईकवरुन खाली पडतो. हा व्हिडिओ सोशल मीडियावर तुफान व्हायरल होत आहे. हा व्हिडिओ नेमका कुठला आहे. याचा लोकेशन काय? या व्हिडिओत दिसणारे तरुण तरुणी कोण आहेत याबाबत अद्याप काहीच माहिती मिळालेली नाही.
