जळगाव : प्रतिनिधी
शहरापासून जवळ असलेल्या ममुराबाद येथे एका ३३ वर्षीय तरुणाने आपल्या राहत्या घरात शनिवारी त्याने टोकाचे पाऊल उचलत आपली जीवनयात्रा संपविल्याची धक्कादायक घटना घडली आहे.
मिळालेली माहिती अशी कि, तालुक्यातील ममुराबाद येथे जगदीश लक्ष्मण पाटील (३३) या तरुणाने राहत्या घरामध्ये गळफास घेऊन आत्महत्या केल्याची घटना शनिवारी सायंकाळी ५ वाजेच्या सुमारास उघडकीस आली. दरम्यान, आत्महत्येचे कारण समजून आलेले नसून याप्रकरणी तालुका पोलिसांत अकस्मात मृत्यूची नोंद केली आहे. जगदीश हा ममुराबाद येथे आई- वडिलांसह वास्तव्यास होता. तो जळगावातील एका कंपनीत कामगार म्हणून कामाला होता. शनिवारी घरात त्याने गळफास घेत जीवनयात्रा संपविली. सायं. ५ वाजता कुटुंबीय घरी आल्यानंतर त्यांना मुलाचा मृतदेह गळफास घेतलेल्या अवस्थेत दिसला.
