जळगाव : प्रतिनिधी
शहरातील एका परिसरात दुचाकी जवळून गेल्यामुळे पाळीव कुत्रा घाबरून पळाल्याच्या शुल्लक कारणावरून शेख सलिम शेख निजाम (५२, रा. सुप्रिम कॉलनी) यांना कुत्र्यांच्या मालकासह इतर तीन जणांनी मारहाण केल्याची घटना शुक्रवारी सकाळी ९:३० वाजेच्या सुमारास समता नगरातील वंजारी टेकडीजवळ घडली. याप्रकरणी रामानंदनगर पोलिसात गुन्ह्याची नोंद करण्यात आली आहे.
सविस्तर वृत्त असे कि, शहरातील एका परिसरात शुक्रवारी सकाळी ९ वाजेच्या सुमारास सलीम त्यांच्या पत्नीला घेण्यासाठी भावाकडे जाण्यासाठी दुचाकीने निघाले. वंजारी टेकडी जवळून जात असताना एका पाळीव कुत्र्याच्या बाजूने त्यांची दुचाकी गेली आणि तो कुत्रा घाबरून पळून गेला. हा प्रकार कुत्र्याच्या मालकाच्या लक्षात आल्यानंतर त्यांनी शेख सलिम यांना शिवीगाळ करून काठीने मारहाण केली. तर त्याच्या सोबतच्या तिघांनी मारहाण केली.
