जळगाव जिल्ह्यातील धरणगाव तालुक्यातील फुलपाट टाकळी या गावातील एका ३० वर्षीय तरुणाने आज दि ६ रोजी सायंकाळी ५ ते ६ वाजेच्या सुमारास शहरातुन धरणगावकडे जाणाऱ्या महामार्गावर असलेल्या गिरणानदीच्या पुलावरून उडी घेत आपली जीवनयात्रा संपविल्याची घटना घडली आहे.
मिळाली माहिती अशी कि, धरणगाव तालुक्यातील फुलपाट टाकळी गावातील रहिवासी असलेल्या श्याम भिल (वय ३०) हा तरुण आज दि ६ रोजी सायंकाळी ५ ते ६ वाजेच्या सुमारास बांभोरी नजीक असलेल्या गिरणा नदीच्या पुलावरून उडी घेतली. यावेळी हि घटना घडत असताना रस्त्यावरील काही लोकांनी त्याला थांबविण्याचा प्रयत्न केला पण त्याने अखेर पुलावरून थेट उडी घेत आपली जीवन यात्रा संपविली. दरम्यान गावातील नागरिकांनी ओळख पटविली असून मृतदेह जिल्हा शासकीय वैद्यकीय महाविद्यालयात दाखल करण्यात आला आहे. श्याम प्रताप भिल (वय-३०) रा. फुलपाट टाकळी तालुका धरणगाव असे मयत झालेल्या तरुणाचे नाव आहे.
तात्काळ घटनास्थळी जळगाव तालुका पोलिस दाखल झाले होते. जळगाव तालुका पोलीस ठाण्याचे पोलीस उपनिरीक्षक नयन पाटील, पोहेकॉ अनिल फेंगडे, चेतन पाटील, होमगार्ड अशोक वाघ यांनी मृतदेहाचा पंचनामा करून जिल्हा शासकीय वैद्यकीय महाविद्यालयात रवाना करण्यात आला. जळगाव तालुका पोलीस ठाण्यात आकस्मात मृत्यूची नोंद घेण्याचे काम सुरू होते.
