अमळनेर : प्रतिनिधी
तालुक्यातील एका गावातून १५ वर्षीय अल्पवयीन मुलीस अनोळखी इसमाने घरातून पळवून नेल्या प्रकरणी मारवाड पोलिसात गुन्हा दाखल करण्यात आला आहे.
सविस्तर वृत्त असे कि, तालुक्यातील मांडळ गावात १५ वर्षीय अल्पवयीन मुलगी आपल्या परिवारासह वास्तव्यास आहे. दि ४ एप्रिलच्या रात्रीपासून ते ५ एप्रिल २०२३ च्या सकाळी ४ वाजे दरम्यान अल्पवयीन मुलगी घराच्या ओसरीत असलेल्या खाटेवर झोपलेली असतांना अनोळखी इसमाने मुलीस काहीतरी आमिष देत पळवून नेल्याची घटना घडली आहे. या प्रकरणी अल्पवयीन मुलीच्या वडिलांनी मारवाड पोलिसात धाव घेत अनोळखी इसमाविरोधात गुन्हा दाखल करण्यात आला आहे. पुढील तपास पोना.भरत गायकवाड हे करीत आहेत.
