जळगाव : प्रतिनिधी
शहरातील एका परिसरात ३० वर्षीय विवाहितेला गरम दुधात गोळ्या देवून तिच्यावर एक वर्षापासून तरुणाने अत्याचार केल्याची घटना उघडकीस आली आहे. या प्रकरणी रामानंद नगर पोलीस स्थानकात गुन्हा दाखल करण्यात आला आहे.
सविस्तर वृत्त असे कि, शहरातील हरीविठ्ल नगर परिसरात एक ३० वर्षीय विवाहिता आपल्या पती व मुलासह वास्तव्यास आहे. संशयित आरोपी जयदीप पाटील (वय ३०, पाचोरा) याने दि.४ जानेवारी २०२२ ते ३ एप्रिल २०२३ या काळात विवाहितेला गरम दुधात गोळ्या देत तिच्यासोबत शरीर संबध केले. हा प्रकार ज्यावेळी विवाहितेच्या लक्षात आला त्यावेळी विवाहितेने त्याला जाब विचारला असता त्याने तु हा प्रकार कुणाला सांगितला तर तुझ्या पतीचा मर्डर करेन अशी धमकी सुद्धा संशयित आरोपी जयदीप पाटील याने विवाहितेला दिली. या प्रकरणी विवाहितेने रामानंद नगर पोलिसात धाव घेत संशयित आरोपी विरोधात गुन्हा दाखल करण्यात आला असून त्यास पोलिसांनी ताब्यात देखील घेतले आहे. या प्रकरणी पुढील तपास सपोनी रोहिदास गभाले हे करीत आहेत.
