नवी दिल्ली : वृत्तसंस्था
देशातील सिक्कीममधील प्रसिद्ध पर्यटनस्थळ गंगटोक येथे आज दि.४ रोजी हिमस्खलन झाले. यामुळे ६ पर्यटकांचा मृत्यू झाल्याची प्राथमिक माहिती आहे. तर ११ जण गंभीर जखमी झाल्याचे हि समजते. याठिकाणी १५० पेक्षा जास्त पर्यटक अडकल्याची माहिती प्रशासनाकडून व्यक्त केली जात आहे. या नैसर्गिक आपत्तीमध्ये मृत्यू झालेल्यांमध्ये ४ पुरुष एक महिला तर एक लहान मुलाचा समावेश आहे. येथे बचावकार्य युद्धपातळीवर सुरु असून मृत्यूचा आकडा वाढण्याची भीती व्यक्त केली जात आहे.
दुर्घटना घडलेल्या भागात 13 व्या मैलाच्या माइलस्टोनपर्यंत जाण्याचा पास जारी केला जातो. त्यापुढे जाण्याची परवानगी नाही. पण हे पर्यटक जवाहरलाल नेहरू मार्गावरील 14व्या माईलस्टोनपर्यंत गेले. नेमका तिथेच हा अपघात झाल्याचे सांगण्यात येत आहे. बॉर्डर रोड ऑर्गनायझेशनने या ठिकाणी तातडीने बचावकार्य सुरू केले. आतापर्यंत 22 जणांची सुटका करण्यात आली. यातील 6 जणांना खोल दरीतून बाहेर काढण्यात आले.
Sikkim | 22 tourists rescued after avalanche strikes at 14th mile on Jawaharlal Nehru road connecting Gangtok with Nathula; rescue operation underway, says BRO.
350 stranded tourists and 80 vehicles were rescued after snow clearance from the road. pic.twitter.com/xJAnNR09Bv
— ANI (@ANI) April 4, 2023
नाथुला पास चीनच्या सीमेवर स्थित आहे. नैसर्गिक सुंदरतेमुळे येथे पर्यटकांची नेहमीच वर्दळ असते. लष्करी सूत्रांच्या माहितीनुसार, जवाहरलाल नेहरू मार्गावरील 14 व्या मैलाच्या दगडाजवळ झालेल्या हिमस्खलनात 25-30 पर्यटक अडकले होते. बॉर्डर रोड ऑर्गनायझेशनने (BRO) युद्धपातळीवर बचावकार्य सुरू करून 22 जणांना वाचवले. यापैकी 6 जणांना खोल दरीतून बाहेर काढण्यात आले. जवळपास 350 जण व 80 वाहने रस्त्यातील अडचणींमुळे नाथु ला पासलगत अडकले होते.
