रावेर : प्रतिनिधी
तालुक्यातील एका अल्पवयीन मुलगी शाळेमध्ये पेपर देण्यासाठी गेली असता ती पुन्हा घरी परत न आल्याने मुलीच्या आईने सावदा पोलिसात धाव घेत पळवून नेल्याप्रकरणी गुन्हा दाखल केला आहे.
सविस्तर वृत्त असे कि, रावेर तालुक्यातील एका गावात १७ वर्षीय अल्पवयीन मुलगी आपल्या परिवारासह वास्तव्यास आहे. दि १८ मार्च रोजी दुपारी २.३० वाजेच्या सुमारास गावातील शाळेत १२ विचा पेपर देण्यासाठी गेलेली अल्पवयीन मुलगी पेपरची वेळ होवूनहि घरी परत न आल्याने आईने शाळेसह परिसरात चौकशी केली असता ती दिसून न आल्याने सावदा पोलिसात धाव घेत अनोळखी इसमा विरोधात अल्पवयीन मुलीला पळवून नेल्या प्रकरणी गुन्हा दाखल करण्यात आला आहे. पुढील तपास पोलीस उपनिरीक्षक विनोद खाडबहाले हे करीत आहेत.
