जळगाव : प्रतिनिधी
जळगाव शहरातील पांडे डेअरी चौकात क्षुल्लक कारणावरून एकाने संदीप दत्तात्रय वाणी (३०, रा. तुकाराम वाडी) या तरुणाच्या डोक्यात फरशी टाकून गंभीर जखमी केल्याची घटना गुरूवारी दुपारी ४ वाजण्याच्या सुमारास घडली. दरम्यान, फरशी मारणारा फरार झाला असून जखमीस जिल्हा रुग्णालयात उपचारार्थ दाखल करण्यात आले आहे.
घटनेची माहिती मिळाल्यानंतर जिल्हा पेठ पोलिस निरीक्षक बबन आव्हाड, उपनिरीक्षक गणेश देशमुख यांच्यासह पोलिस कर्मचाऱ्यांनी रुग्णालयात येऊन संपूर्ण प्रकाराची माहिती घेऊन त्या तरुणाचा शोध सुरू केला.
