जळगाव : प्रतिनिधी
एमआयडीसी परिसरामध्ये चोरीच्या उद्देशाने फिरणाऱ्या चार जणांना एमआयडीसी पोलिसांनी रविवारी रात्री ताब्यात घेतले आहे.
पोलिसांचे पथक रविवारी रात्री एमआयडीसी परिसरामध्ये गस्त घालत होते. त्यावेळी चार लोकांच्या हालचाली संशयास्पद दिसून आल्या.
सविस्तर वृत्त असे कि, चौघांना पकडून विचारपूस केल्यानंतर त्यांनी अकबर दगडू पटेल (३५, रा. हरिविठ्ठलनगर), ऋषिकेश कैलास पाटील (२२), अमोल संजय पाटील (२३, दोन्ही रा. एमआयडीसी) अशी त्यांची नावे सांगितली तर त्यांच्यासोबत असलेल्या एका अल्पवयीन मुलालाही पोलिसांनी ताब्यात घेतले. चौकशीअंती चौघे चोरीच्या उद्देशाने फिरत असल्याचे समोर आल्यानंतर त्यांच्याजवळून चोरी करण्याचे साहित्य जप्त करण्यात आले. पोलिस निरीक्षक जयपाल हिरे यांच्या मार्गदर्शनाखाली सहायक फौजदार अतुल वंजारी, अल्ताफ पठाण, चेतन सोनवणे, इम्रान सैय्यद, सुधीर साळवे, सचिन पाटील, मंदार पाटील यांच्या पथकाने ही कारवाई केली
