प्रतिनिधी लक्ष्मण पाटील: धरणगाव येथील योगिता हॉटेल जवळ झालेल्या कार व मोटारसायकलच्या अपघातात होळ येथील लक्झरी ड्रायव्हर छोटूलाल आधार पाटील (वय – ४७) यांचा दुर्दैवी मृत्यू झाला.
याबाबत सविस्तर माहिती अशी की, MH 19 AX 0890 या क्रमांकाच्या इंडिका व्हिष्टा या कारने MH 19 F 2283 क्रमांकाची 4 S कावासाकी या मोटारसायकल ची समोरासमोर धडक झाली. या अपघातात गंभीररीत्या जखमी झालेल्या छोटूलाल पाटील यांना ग्रामीण रुग्णालय धरणगाव येथे आणले असता येथील वैद्यकीय अधिकारी डॉ. गिरीष चौधरी यांनी तपासणी करून मृत घोषित केले. या अपघातात कार व मोटारसायकल यांचे जास्त नुकसान झालेले नाही परंतु एका व्यक्तीच्या जीव मात्र गेला.या घटनेचा पुढील तपास धरणगाव पोलीस स्टेशन यांच्यामार्फत करण्यात येत आहे. हॉटेल योगिता गार्डन जवळ गतिरोधक व दिशादर्शक फलक बसविण्यात यावा, अशी मागणी नागरिक करत आहेत.
